ضرت ابوالفضل ع نوحه لری

نویسنده: حسین محمودی و یولداشلار - چهارشنبه 22 آبان 1392

ابوالفضل ع باشی اوسته امام حسین ع سسله نیر:

 

علی اکبر حامد - منشور عاشورا جلد سه 197

 

 

 

ای عئشق میناسینده وئره ن جان آتام اوغلو

 

گلدیم یارالی جانیوه قوربان آتام اوغلو

 

 

 

بو باشدی عمودیله سینیب دورموری قانی

 

بو قان آپاریبدیر سنی ائی حیدر ثانی

 

اؤلدوردوله تا سن کیمی بیر شیر ژیانی

 

قارداشیوه ده ال تاپار عدوان آتام اوغلو

 

 

 

سو مشکویوی قارداش کیم ائدیبدیر بئیله پاره

 

بو قاندی باشوندان آخیری بئیله عذاره

 

بو جیسمیدی شام اهلی ووروب بیر بئله یاره

 

گول پئیکرون ائیلیبدیله شان شان آتام اوغلو

 

 

 

یاده کسیلمیش قولو سالدیقجا یانار دل

 

بیلمیب بو الین حورمه تینی فرقه-ی-باطل

 

صد حئیف اولا رحم ائتمه دی بو اللره قاتل

 

قطع ائیله دی اول ناکس دوران آتام اوغلو

 

 

 

باخماییبدی عدو قابل-ی-حورمت دی بو اللر

 

دین پئیکرینه بیر ید-ی-قدرتدی بو اللر

 

محشر گونو اسباب شفاعت دی بو اللر

 

زهرانین الینده اولو عنوان آتام اوغلو

 

 

 

بو چؤلده سوسوزلوق اودو چوخ دیللری دلدی

 

از بس کی آغیر قیمته قارداش باشا گلدی

 

بیر مشک سویون قیمتی آیا ایکی الدی

 

اوستونده ده باش ایستیری دونان آتام اوغلو

 

 

 

ائی آرخام ائلیم عترتیمین یاوری قارداش

 

دور قویما کمک سیز من بی لئشکری قارداش

 

وئردین سویا ال وورماغا بو اللری قارداش

 

کیم سن تک ائدیب ترک-ی- سر و جان آتام اوغلو

 

 

 

ابوالفضل ع نوحه سی - غمناک

 

کتاب: منشور عاشورا جلد سوم – ص 206

 

 

 

دور ای سوسوز وئره ن جان، کوی وفاده قارداش

 

قولسوز دوشوب قالان بو بحر-ی-بلاده قارداش

 

 

 

گلدیم بو بحر غمدن جسمون چکه م کناره

 

غرق اولموسان گلینجه من ایله ییم نه چاره

 

گلمه ز الیم الوندان ایمدی دوتام دوباره

 

گؤرره م الون اولور بو دردیم زیاده قارداش

 

 

 

دریا کیمی تلاطم ائیلیب گروه-ی کافر

 

غرق ائتدی پاره جیسمون، سئیلاب –ی-تیغ و خنجر

 

دور ای شکسته کشتی دریاده سالما لنگر

 

طوفاندی گردباد-ی-غمدن هواده قارداش

 

 

 

سؤز یوخدی حق یولوندا سن اؤز اؤزون آتیبسان

 

طی-ی-مراحل ائیلیب سر منزیله چاتیبسان

 

اما منه چتیندی بو نوعیله یاتیبسان

 

سن سیز گلیبدی گؤگلوم فریاد و داده قارداش

 

 

 

چاره م آزالدی سن سیز سیندی سیندی بئلیم برادر

 

یاتدی علم پوزولدو اوردو داغیلدی لئشگر

 

یالقیز اؤزوم بو قدری دوشمن نه یار و یاور

 

یوخ بیر کسیم یئتیشسین بو چؤلده داده قارداش

 

 

 

سینه زن – حضرت عباس

 

کاتب اردبیلی – دیوان کاتب جلد دوم – ص 172

 

 

 

تئشنه لر ناله سی قارداش گتیریب جانه منی

 

وئر اجازه یولا سال جانب-ی-میدانه منی

 

 

 

وار نه باکیم قوشونا یوخدو اگر حد-و-حئساب

 

الده کسگین قیلیجیم واردی رکابیمده عئقاب

 

گر شیاطین اولا بو قوم منه تیر –و- شهاب

 

وئر اجازه یولا سال جانب-ی-میدانه منی

 

 

 

هر قباییلده بیلیرسن آدیمین شؤهره تی وار

 

دوشمن و دوست بیلیر منده علی صولتی وار

 

زاده –ی شیر –ی-خدایم قولومون قوّتی وار

 

وئر اجازه یولا سال جانب-ی-میدانه منی

 

 

 

ائذن وئرسن گئده رم دوشمنیله جنگ ائده رم

 

حیدرانه قوشونا عرصه گهی تنگ ائده ره م

 

خون-ی-اعدانی تؤکوب بو چؤلو پررنگ ائده رم

 

وئر اجازه یولا سال جانب-ی-میدانه منی

 

 

 

گر ایمامیمده ن اولا اذن من-ی-خونجیگره

 

آچارام آب-ی-فراتین یولونو خئیمه لره

 

سو یتیرره م بو زامان عترت-ی-خیرالبشره

 

وئر اجازه یولا سال جانب-ی-میدانه منی

 

 

 

نه روا سو یولونا عترتون حسرتله باخا

 

اذن وئر عباس عقاب اوسته چیخا

 

صفلری برهم ائده لئشگری اوست اوسته ییخا

 

وئر اجازه یولا سال جانب-ی-میدانه منی

 

 

 

طاقتیم یوخدو گؤره م تئشنه علی اصغریمی

 

ائشیده م العطش عترت-ی-پئیغمبریمی

 

قویموشام من سو یولوندا ایکی اوزون اللریمی

 

وئر اجازه یولا سال جانب-ی-میدانه منی

 

 

 

دیوان کاتب جلد دوم – ص 187

 

 

 

ییخیب دوشمنلریم قارداش منی میدان آراسیندا

 

یئتیش فریادیمه قویما منی عدوان آراسیندا

 

گل ایندی گؤر علمداری

 

اولوب قانی سو تک جاری

 

 

 

خیامه سو گتیرمکده نه قدری سعی ائده ر دیم من

 

نه چاره اولمادی مومکون آلیب اطرافیمی دوشمن

 

نه قول قالدی نه سو مشکیم، خجالت اولدوم اصغردن

 

دگیب ازبسکه اوخ جسمیم قالیب پئیکان آراسیندا

 

 

 

سینیب شهپر دوچار اولدوم بو اعدای جفاجویه

 

قالیبدیر گؤزلریم یولدا باخار حسرتله هر سویه

 

اوره کده مطلبیم واردور باخام بیرده او مه رویه

 

گل ایندی قویما عباسی غم-ی-هجران آراسیندا

 

 

 

باغیشلا خئیمه گاهه من گله نمه م سن گل ایمداده

 

ستمله کسمه گه باشیم اولوب قاتللر آماده

 

قوشون دریا تک هریاندان گلوب موجه بو صحراده

 

قالیبدیر زورق-ی-جسمیم اخا طوفان آراسیندا

 

 

 

شکایت ائتمه رم دوشمن ایکی قوللاریمی سالدی

 

منی بو یاندیریر قارداش سکینه منتظر قالدی

 

او طفل-ی-مضطرون آخیر سوسوزلوق طاقه تین آلدی

 

رضایم غیرتیمدن من وئره م جان قان آراسیندا

 

 

 

دیوان کاتب جلد دوم – ص 198

 

آچ گؤزلرون نظر قیل صاحب-ی-علم ابالفضل

 

جرات تاپیبدی سن سیز قوم-ی-ظلم ابالفضل

 

یالقوز گؤروب حسینی آلمیش آرایه دشمن

 

گول جیسمینه وورارلار تیر و سنان ابالفضل

 

هانسی لعین ستمله سو مشکون اوخلاییبدیر

 

عطشان قالیب تماما" اهل-ی-حرم ابالفضل

 

سیندیردیلار بئلیمی یوخ طاقت –و –توانیم

 

هجرونده ائیله ییبلر قدّیمی خم ابالفضل

 

*******

 

دیوان کاتب – ص 201

 

سالدیلار قولوم قارداش

 

ساقیلا سولوم قارداش

 

تئز گل باشیم اوستونه

 

قوربانون اولوم قارداش

 

نظرات (1)  

 

 

عاشورا رجزی

نویسنده: حسین محمودی و یولداشلار - چهارشنبه 22 آبان 1392

مرحوم ذهنی زاده (سائل ) تبریزلی:

کرب و بلا چؤلونده طوفاندی یا محمد

 

گؤندر کفن حسینه عوریاندی یا محمد

 

مئهمان ایدیبله دعوت قویموللا احترامین

 

سو ویرمئییبله بالله عطشاندی یا محمد

 

 

 

سقا گیدیب فراته قویموبلا سو گتیرسون

 

بیر شربه سو گتیرسه احساندی یا محمد

 

گل کربلا چؤلونده بیر اوغلووا نظر قیل

 

گول تک یئر اوسته جیسمی خنداندی یا محمد

 

 

 

ابری-ی-ظلام دوتموش دشت بلانی یکسر

 

بیر ابر باریشین گؤر پئیکاندی یا محمد

 

لئیلا نوایه گلمیش سسلر هرایه اوغلون

 

هجر آتشینده قلبی سوزاندی یا محمد

 

 

 

دوشموش یانان چادیردا اصغر آناسی بیهوش

 

جانین آلیبلا گویا بی جاندی یا محمد

 

داماد ماتمینده وار اؤزگه بیر حکایت

 

قاندان عروس زولفی الواندی یا محمد

 

 

 

بو کربلا چؤلونده گویا قیامت اولموش

 

دیللرده وا محمد عنواندی یا محمد

 

انگشتر اوسته بجدل قطع ایلیوب بیر انگشت

 

بو سرّه مین سلیمان حیراندی یا محمد

 

نظرات (4)  

 

 

علی اکبر ع نوحه سی

نویسنده: حسین محمودی و یولداشلار - چهارشنبه 22 آبان 1392

 

 

حضرت علی اکبر ع نوحه سی

 

حاج اسماعیل زرین – کتاب: منشور عاشورا جلد سوم – ص 174

 

 

 

دور باشون اوسته گلمیشه م، گؤزلریمه ضیا اوغول

 

گل دیله منله بیر دانیش، قلبیمه وئر صفا اوغول

 

 

 

گؤر نه چتیندی من گؤره م ظولمیله قانه باتمیسان

 

زخملی آهو تک دوشوب ایستی قوم اوسته یاتمیسان

 

سیل-ی-سرشگیمی آخان قانیوه یئرده قاتمیسان

 

بئیله ییخیلماغون ائده ر مرگیمه اکتفا اوغول

 

 

 

سن منه نور-ی-عئین سن، دیزلریمه توان و تاب

 

روحیم او قدری قالمیری آیریلا وئر منه جواب

 

صوره تیمی اوغول ائدیب باشدان آخان قانون خضاب

 

دور دورا بیلمیره م اؤزون اول الیمه عصا اوغول

 

 

 

گتدی او دم کی قاصید-ی-غم منه غملی بیر پیام

 

یعنی قولاقیمه یئتیب اوندا کی دلنشین سلام

 

بیلدیم او دمده قلبیمین بندینی قیردی اهل-ی-شام

 

دردینه قلبیمین داخی اولمایاجاق دوا اوغول

 

 

 

ائیله حیصار-ی-محنته لئشگر-ی- غم سالیب منی

 

قرب-ی-کناریده گؤزوم گؤرموری غصه دن سنی

 

عرشه اوجاتمیشم اودور داد و فغان و شیوه نی

 

گرچه گولور بو حالیمه دوشمنه بی حیا اوغول

 

 

 

من نئجه یانماییم اوغول سن کیمی نوجوانیمه

 

سن دانیشاندا هر زمان قوَت یئته ردی جانیمه

 

دست-ی-قضا سپیبدی غم توپراغی دودمانیمه

 

آغلایاجاق نه قدری وار عمَه باجی آنا اوغول

 

 

 

گؤر نه بو قوم –ی- کینه جو اولدولا حقده ن کنار

 

ائتدی پیمبر عتره تین بیر بئله غملره دوچار

 

جدیمه بنزه ین جوان یئرده دوشوبدو زخمدار

 

جسم لطیفیوون اولوب هر طرفی یارا اوغول

 

.....

 

نظرات (3)  

 

 

صحاف- عاشورا صبحی

نویسنده: حسین محمودی و یولداشلار - چهارشنبه 22 آبان 1392

عاشورا صوبحو

 

 

 

حاج محمد حسین جنتی مقام (صحاف) – کتاب: منشور عاشورا جلد سوم – ص 154

 

 

 

چیخما ائی گون! گل بو گون ائیله حیمایت زینبه

 

آشکار اولسان اولور برپا قیامت زینبه

 

 

 

پرده-ی-ظلمتده ن اگر اولسان، سن بوگون ای گون کنار

 

آل-ی-طاهایه اولور اوضاع-ی-محشر آشکار

 

بیر بئله گونده اگر، بیلسه ن طلوعونده نه وار

 

ائیله سن مطلق بو صحراده اعانت زینبه

 

 

 

لئشگر-ی-کفر و ضلالت بئیرق-ی-ظولمین ووروب

 

بو بیاباندا مقابیل نوریله ظولمت دوروب

 

سن طلوع ائتسه ن بوگون زینب گونو ائیله ر غروب

 

کربلا دشتی اولور محشرده ن آیت زینبه

 

 

 

نوریویله سن اگر سالسان حجاباته شفق

 

غرق اولور دریای غمده ساکنان-ی-نه طبق

 

باش آچار زهرا گلیر فریاده و داده ما خلق

 

کشف اولور سرَ قیامتده ن علامت زینبه

 

 

 

بو گونون وضعیتینده ن اولسان ائی گون باخبر

 

اولماسان هرگز بو ظولمت پرده سینده ن جلوه گر

 

مشرق-ی-غمدن بو گون ای گون عیان اولسان اگر

 

ائیله سن بی شک هامی آفاقی ظولمت زینبه

 

نظرات (2)  

 

 

عاشورا گئجه سی

نویسنده: حسین محمودی و یولداشلار - چهارشنبه 22 آبان 1392

بو گئجه آل-ی-علی یاتمادیلار

 

شیعه یاتسین نئجه راحت بوگئجه

 

 

 

عاشورا گئجه سی  نوحه سی

 

استقبال شعری – محمود صادری(پارسا) – کتاب: منشور عاشورا – جلد سوم ص 148

 

 

 

«گول گولزار-ی- رسالت بوگئجه

 

شئمریده ایسته دی مؤهلت بوگئجه»

 

 

 

نه گئجه عالم –ی-محشر کیمی تار

 

خوف و تشویشه دوشوب خرد-و-کبار

 

نور اولوب دستخوش ظلمت و نار

 

چولقاییب عالمی ظلمت بوگئجه

 

 

 

قصد ائدیب مؤهلت آلا خسرو دین

 

افتخار و شرف-ی- اهل یقین

 

ییغا اؤز باشینه اهل-ی-حرمین

 

ائده قورآنی تلاوت بوگئجه

 

 

 

دئدی اصحابینه سولطان-ی-حجاز

 

سیزسیز عالمده منه محرم-ی-راز

 

حضرت حقه ائده ن راز و نیاز

 

تاپاجاق عین-ی-سعادت بوگئجه

 

 

 

نوش ائده ن باده-ی-پئیمانه عشق

 

یاناجاق چون پر-ی-پروانه عشق

 

قالاجاقدور آدی دیوانه-ی-عشق

 

چکه هرکیمسه ریاضت بوگئجه

 

 

 

کربلا ایچره اولوب محشر عیان

 

گوئیا قوپدو قیامت بوگئجه

 

دوتدو دنیا یوزونو موج-ی-بلا

 

داشدی دریای-ی-مصیبت بو گئجه

 

 

 

بو گئجه آل-ی-علی یاتمادیلار

 

شیعه یاتسین نئجه راحت بوگئجه

 

نظرات (1)  

 

 

مناجات امام -ع-

نویسنده: حسین محمودی و یولداشلار - چهارشنبه 22 آبان 1392

امام آت دان ییخیلیب

 

مرحوم ذهنی زاده – کتاب: منشور عاشورا جلد دو – ص 228

 

 

 

قطب-ی-عالم ذوالجناح اوسته ن اولان دمده نگون

 

قالدی اؤز دؤرینده سرگردان سپئهره-ی-واژگون

 

 

 

صدر زین توسنیندن اول خدیو-ی-مستطاب

 

قصد اجلال-ی-نزولیله تهی قیلدی رکاب

 

اختیار ائتدی ترابی نور-ی-چشم –ی-بوتراب

 

گؤرسه نیب چرخ-ی-شهادت آفتابینده سکون

 

 

 

کاش او ساعت کی ییخیلدی خسرو-ی-گردون مدار

 

اؤز مداریندن چیخیب عالم اولئیدی تار-و-مار

 

طئی ائدئیدی یئکسره طومار عمرون روزگار

 

لم یکن شیئا" اولئیدی کاینات و کاف و نون

 

 

 

ایستی گونده قوملار اوستونده شهنشاه-ی-حجاز

 

کثرت ایچره قوردو بیر خلوتگه-ی- راز و نیاز

 

سجده حالینده اولوب معبودیله سرگرم-ی-راز

 

عرض ائدیب یا منتهی الامال –ی- کّل العاملون

 

 

 

قوملار اوستو ایستی گون سوز-ی-عطش باس-ی-حدید

 

یاره لر سوزیشده نار ظولم حیدتلی شدید

 

هر یارام شوریله بیر قان آغلایان چشم-ی-امید

 

قانلی پئیکانلار او گؤزلر دورینه قانلی جفون

 

...

 

نظرات (0)  

 

 

جناب قاسم نوحه سی

نویسنده: حسین محمودی و یولداشلار - چهارشنبه 22 آبان 1392

جناب قاسیم (ع) شهادتی نوحه سی

 

مرحوم محمد تقی وافی – کتاب: منشور عاشورا – جلد دو ص 142

 

 

 

قارداشیم حسن گولوستانینین گل باجی نیشانین گتیرمیشه م

 

وئر خبر بلاکئش آناسینا؛ قاسیم جوانین گتیرمیشه م

 

 

 

صحنه-ی-وجودینده باش وئره ن یاره لر آچیب گوا چمن کیمی

 

زینت ائبله ییب قاتلی پئیکرین نئیزه اوخ نسترن کیمی

 

بی نوا آناسی نئجه دؤزه ر گؤرسه اوغلونو من گؤره ن کیمی

 

من گؤره نده اود دوتموشام یانیب یاندیران زمانین گتیرمیشه م

 

 

 

گول دگیل بو گولزار-ی-حوسنو دور؛ وار یئری بونا گوللر آغلاسین

 

گوللری سولان مرغ-ی-زار-ی-تک شیوه نیله بولبوللر آغلاسین

 

فاطمه آنام قارداشیم حسن وای اوغول دئسین ائللر آغلاسین

 

گولستان-ی-اعزازیمین باجی آفت-ی-خزانین گتیرمیشه م

 

 

 

تئل به تئل باتان قانه زولفونو مه جمالینه هاله تک سالیب

 

زیر-ی-ابر-ی-ظولمتده گون کیمی بو ایشقلانان گوندوزم قالیب

 

جان وئریب اؤزو تئشنه لب منیم صبر و تابیمی دفعتا" آلیب

 

گل دوشوب بو گون نطقدن باجی جسم ناتوانین گتیرمیشه م

 

نظرات (1)  

 

 

رجز

نویسنده: حسین محمودی و یولداشلار - چهارشنبه 22 آبان 1392

 

 

عاشورا گئجه سی  رجزی

 

دیوان کاتب- جلد دوم ص 72

 

گؤره سن بو گئجه لئیلا نئجه راحت یاتاجاق

 

کی صباح نازلی علی اکبری قانه باتاجاق

بو گئجه زینب و کلثوم اؤپه ر عباس قولون

کی صباح لئشگر اعدا سالاجاق ساق سولون

بو گئجه شاه –ی-شهیدان دولانار خئیمه لری

بیر دویونجان گؤره تا عترت خونین جیگری

بو گئجه خئیمه لر اطرافینی عباس گزه ر

صولتیندن یاتا بیلمزلر اونون قوم کفر

بو گئجه شیعه رباب اصغره لایلای دیه جئک

کی صباح اوخلاناجاق اوندا اوغول وای دیه جئک

بو گئجه صوبحه کیمین باتمایاجاق شئمر-ی-دغا

کی صباح حلق-ی-حسینه قویاجاق تیغ-ی-جفا

بو گئجه کرب و بلا دشتی دولوب لئشگریله ن

کی صباح قان توکولور نئیزه و هم خنجریله ن

بو گئجه اهل-ی-حرم ائیله ر هامی آه-و-فغان

کی صباح قوللارینی باغلایاجاق شئمر-و-سنان

 

جهت دانلود این کتاب اینجا را کلیک کنید

نظرات (4)  

 

 

علی اکبر ع نوحه سی

نویسنده: حسین محمودی و یولداشلار - پنجشنبه 2 آذر 1391

کتاب منشور عاشورا (گلچین)– سید اکبر صدرالدینی

 

 

 

حضرت علی اکبر ع نوحه سی

 

قوشار: مولانا یتیم

 

 

 

قانون آخدیقجا یوزه زولف-ی-مطرّادن اوغول

 

آپاریر تاب و توانا دل-ی-لئیلادن اوغول

 

 

 

سن امامت گونونون کوکب-ی-رخشنده سی سن

 

نئجه کوکب اوگونون جلوه-ی-تابنده سی سن

 

جلوه دن دوشسه گونون علّت-ی-زیبنده سی سن

 

باتا سنسیز یئری وار مشرق-ی-اقصادن اوغول

 

 

 

گؤسته ریر یاره لرین خنجر-ی-فولاد اثری

 

گتدی اظهاره باشین نکته-ی-شقّ القمری

 

سنی بوحاله سالان ای دل-ی-لئیلا ثمری

 

بهره مند اولمایا هرگیز ایکی دونیادان اوغول

 

 

 

بسله میشدیم سنی بو سینه ده چوخ عزّتیله ن

 

سینه چاک اوللام اوغول ایمدی غم-ی-فرقتیله ن

 

بارخارام پئیکر-ی-صد پاره وه یوز حسرتیله ن

 

آه بو درد-ی- دل حسرت-ی-بی جادن اوغول

 

 

 

صورتون حُسن خدادادیله سرمایه سی وار

 

طیّ ائدیب حُسن-ی-جمالین نقدر پایه سی وار

 

عارضون قیرمیزی قاندان ائله پیرایه سی وار

 

گوی سبقت آپاریب هر رُخ-ی-زیبادن اوغول

 

 

 

ایستیره م ناله-ی-دلسوزیمی دلدار ائشیده

 

ایسته مم شیون و فریادیمی اغیار ائشیده

 

حئیف دیر بولبول و گول صحبتینی خار ائشیده

 

ناله هر چند برازنده دی ثکلادن اوغول

 

صص 181-183

+ سلام دوست من وبلاگ بسیار خوبی داری

---